कपिलवस्तु : पूर्व-पश्चिम राजमार्गको शिवराज नगरपालिका -१ सुरही पुल नजिकै भएको बस दुर्घटनामा मृत्यु भएका १० जनाकै पहिचान खुलेको छ । जिल्ला प्रहरी कार्यालय कपिलवस्तुका अनुसार दुर्घटनामा एक दम्पत्तीसहित १० जनाको सनाखत भएको हो।
कन्चनपुर जिल्ला पुर्नवास नगरपालिका वडा नं. ९ का ८१ वर्षीय विसन दत्त भट्ट र उनकी श्रमती ६० वर्षीय विमला देवी भट्टको दुर्घटनामा परी मृत्यु भएको प्रहरीले जनाएको छ । प्रहरीका अनुसार, भारत उत्तर प्रदेशका ५५ वर्षीय सकिल मुसलमान,रौतहटका पहुरानी नगरपालिका वडा नं.३ बस्ने नारायण बहादुर भण्डारी,सल्यान सेमीखाल ३ का ४१ वर्षीय अर्जुन कुमार योगी,कन्चनपुरको भिमदत्त नगरपालिका ४ का १९ वर्षीय उमेश भण्डारी, २७ वर्षीय संजु थापा,२१ वर्षीय खगेश्वरी खाती, १८ वर्षीय सुदीप भट्ट र महेन्द्रनगर नगरपालिका १ का २६ वर्षीय राहुल राम कामीको मृत्यु भएको प्रहरी उपरीक्षक नवरत्न पौडेलले बताए ।
दुर्घटनामा ३० जना घाइते भएका छन्। उनीहरूको विभिन्न अस्पतालमा उपचार भइरहेको छ।
महेन्द्रनगबाट काठमाडौं जाँदै गरेको सु.प.प्र.०२००१ ख ००९८ नम्बरको बुधबार बस राति १ बजे दुर्घटना भएको थियो । सडकबाट करीब १ मिटर तल बस खसेको र खबर पाए लगत्तै नेपाल प्रहरी र सशस्त्र प्रहरी उद्दारमा जुटेको थियो ।
दुर्घटनामा घाइते गाडी चालक कंचनपुर जिल्ला भीमदत्त नगरपालिका वडा नं. ४ का ४० वर्षीय पूर्णबहादुर चन्दको बुटवलमा उपचार भइहेको प्रहरीले जनाएको छ । तीव्र गतिमा रहेको गाडी ब्रेक फेल भइ दुर्घटना भएको हुनसक्ने गाडीमा सवार यात्रुहरूको भनाइ रहेको प्रहरी उपरीक्षक नवरत्न पौडेलले बताए । घटनाबारे अनुसन्धान भइरहेको छ।
प्रतिक्रिया दिनुहोस !
