सर्लाहीमा सवारी दुर्घटना, नापी कार्यालयका प्रमुखसहित ११ जना घाइते
![सर्लाहीमा सवारी दुर्घटना, नापी कार्यालयका प्रमुखसहित ११ जना घाइते](https://annapurnapost.prixacdn.net/media/albums/accident_WzxIaPlQEO_V7dRSRe7XZ.jpg)
मलङ्गवा : सर्लाहीको मलङ्गवा नगरपालिका-११ गम्हरिया स्थित मलङ्गवा नवलपुर सडक खण्डमा सवारी दुर्घटना हुँदा नापी कार्यालय प्रमुखसहित ११ जना घाइते भएका छन्। ४ जनाको अवस्था गम्भीर रहेको छ ।
मलङ्गवाबाट नवलपुरतर्फ जाँदै गरेको उखु बोकेका ज २ त १०६७ नम्बरको ट्याक्टरमा सोही दिशाबाट जाँदै गरेको बी आर ०६ पी डी ९६४८ नम्बरको सफारीले ठक्कर दिंदा दुर्घटना भएको हो । घाइते सबैजना सफारीमा सवार थिए ।
दुर्घटनामा परी गम्भीर घाइते हुनेमा नापी कार्यालय प्रमुख ४५ वर्षीय संजय मान्नधर, ३० वर्षीय बैजु यादव, अन्दाजी ५३ वर्षीय बिनोद घिमिरे र ३५ वर्षीय रामलाल साह रहेका छन्। त्यस्तै २४ वर्षीय संजित यादव, ३० वर्षीय रिटेन यादव, ५० वर्षीय बैधनाथ पटेल, ३४ वर्षीय रामबाबु यादव, २९ वर्षीय दिपेन्द्र यादव, २४ वर्षीय सहिद अनवर र २५ वर्षीय अजय यादव घाइते भएका छन्।
रिटेन यादव बाहेक सबै घाइतेहरुलाई प्रदेशिक अस्पताल मलङ्वामा समान्य उपचार पश्चात् थप उपचारका लागि वीरगन्ज पठाइएको जिल्ला प्रहरी कार्यालय सर्लाहीले जनाएको छ । सवारीसाधन अहिले घटनास्थलमै रहेको छ । ट्याक्टर चालक फरार रहेका छन्।
प्रतिक्रिया दिनुहोस !
![Unity](https://annapurnapost.prixacdn.net/static/assets/images/unity-logo.png)