डडेल्धुरा जीप दुर्घटनामा एकको मृत्यु
![डडेल्धुरा जीप दुर्घटनामा एकको मृत्यु](https://annapurnapost.prixacdn.net/media/albums/accidenttt_TYSlsABXvi_wnzQTXocAa.jpg)
डडेलधुरा : डडेल्धुरामा जीप दुर्घटनामा परी घाइते भएकामध्ये एक जनाको मृत्यु भएको छ।
दुर्घटनामा परी अमरगढी नगरपालिका-८ बस्ने दानबहादुर ओलीको मृत्यु भएको डडेल्धुरा अस्पतालले जनाएको छ।
दुर्घटनामा घाइते भएका नवदुर्गा गाउँपालिका-९ बस्ने दीपक बुढाऐर र नवदुर्गा-४ बस्ने दीपेन्द्र बोहराको डडेल्धुरा अस्पतालमा उपचार भइरहेको छ।
बुधबार जिल्ला सदरमुकामबाट भागेश्वर गाउँपालिकातर्फ गइरहेको सुदूरपश्चिम प्रदेश ०४-००१च१८८ नम्बरको जीप आइत बजार नजिक दुर्घटना भएको थियो। दुर्घटनासम्बन्धी अनुसन्धान भइरहेको प्रहरीले जनाएको छ।
प्रतिक्रिया दिनुहोस !
![Unity](https://annapurnapost.prixacdn.net/static/assets/images/unity-logo.png)