भीरबाट खसेर एक जनाको मृत्यु
![भीरबाट खसेर एक जनाको मृत्यु](https://annapurnapost.prixacdn.net/media/albums/Death_20190729064735_mBey1HsC0S_0Wsz4HgoBo.jpg)
नुवाकोट : नुवाकोटको ककनी गाउँपालिकाको ओख्लेमा भीरबाट खसेर एक जनाको मृत्यु भएको छ। ककनी गाउँपालिका- ४ का ४८ वर्षीय सन्चबहादुर तामाङको भीरबाट खसेर ज्यान गएको जिल्ला प्रहरी कार्यालय नुवाकोटले जनाएको छ।
प्रहरीका अनुसार घरायसी कामको सिलसिलामा घरबाट निस्कीएका तामाङ ओख्लेबाट काम सकेर घरतर्फ फर्किने क्रममा भीरबाट खसेर घाइते भएको अवस्थामा स्थानीयवासीले उद्धार गरेका थिए।
भीरबाट खसेर घाइते भएका उनको घरमै मृत्यु भएको हो। प्रहरी टोली खटिएर घटनास्थल गई मुचुल्का, लास जाँच प्रकृति मुचुल्का लगायतका कार्य गरेर शव पोष्टमार्टमका लागी नुवाकोट जिल्ला अस्पताल त्रिशूलीमा राखिएको प्रहरी नायव उपरीक्षक खगेन्द्रबहादुर खड्काले जानकारी दिए।
प्रतिक्रिया दिनुहोस !
![Unity](https://annapurnapost.prixacdn.net/static/assets/images/unity-logo.png)