विभिन्न स्थानमा पाँच जनाको शव फेला
![विभिन्न स्थानमा पाँच जनाको शव फेला](https://annapurnapost.prixacdn.net/media/albums/death-mirtyu_20200921102555_uAu63GkDJx_PAeFzNGpim.jpg)
काठमाडौं : भक्तपुर जिल्ला मध्यपुर थिमी नगरपालिका-९ बोडेस्थित प्रयोगमा नरहेको सार्वजनिक शौचालयको पेटीमा एक जनाको शव फेला परेको छ।
दोलखाको काटाकुटी गाउँपालिका-२ घर भएका ४१ वर्षीय निमा लामा आज मृत अवस्थामा फेला परेका हुन्। उनी बोडे क्षेत्रमा मजदुरी काम गर्दै उक्त पेटीमा बस्दै आएको प्रहरी प्रधान कार्यालयले जनाएको छ।
यसैगरी दाङको घोराही उपमहानगरपालिका-१७ स्थित सिस्ने खोलामा सोही उपमहानगरपालिका-१७ घनिबगिया बस्ने ६० वर्षीय हिरालाल चौधरी मृत अवस्थामा फेला परेका छन्।
कञ्चनपुरको बेल्डाँडी गाउँपालिका-१ नवज्योती टोल बस्ने ४७ वर्षीया रुपा सुनार आफ्नै घरमा आज मृत अवस्थामा फेला परेको पनि प्रहरी प्रधान कार्यालयले जनाएको छ।
ललितपुरको ललितपुर महानगपालिका-२५ भैँसेपाटी ओकाथली डेरा गरी बस्ने झापा घर भएकी ४० वर्षीया एलिना राई आफु बस्ने कोठाको बाहिर पट्टिको शौचालयमा मृत अवस्थामा फेला परेकी छन्।
झापा जिल्ला गौरादह नगरपालिका-४ डोरामारी बस्ने ७५ वर्षीय जयप्रसाद सङ्ग्रौला गौरादह नगरपालिका-४ र गौरदह नगरपालिका-६ को सिमानामा पर्ने दामुना खोलामा आजै मृत अवस्थामा फेला परेका छन्।
प्रतिक्रिया दिनुहोस !
![Unity](https://annapurnapost.prixacdn.net/static/assets/images/unity-logo.png)