कटुवा पेस्तोलसहित धनुषाबाट एकजना पक्राउ
![कटुवा पेस्तोलसहित धनुषाबाट एकजना पक्राउ](https://annapurnapost.prixacdn.net/media/albums/pestol_pi2kna2hpo_3ivy61zNXN.jpg)
ढल्केवर : धनुषा प्रहरीले कटुवा पेस्तोलसहित एक जनालाई पक्राउ गरेको छ। सबैला नगरपालिका ८ ठिल्लाका ५१ वर्षीय रामईश्वर ठाकुरलाई पेस्तोलसहित पक्राउ गरिएको धनुषाका प्रहरी प्रवक्ता प्रहरी नायब उपरीक्षक रञ्जन अवाले जानकारी दिए।
उनका अनुसार शुक्रबार साँझ ५० वर्षीया श्रीमती रामकाशी देवीलाई कुटपिट गर्ने र हतियार देखाई ज्यान मार्ने धम्की दिइरहेको भन्ने सूचना पाएपछि प्रहरी टोलीले उनको घर खान तलासी गर्दा ९ इन्च लम्बाइ भएको कटुवा पेस्तोल बरामद गरेको हो।
उनलाई नियन्त्रणमा लिएर थप अनुसन्धान गरिरहेको अवाले बताए।
प्रतिक्रिया दिनुहोस !
![Unity](https://annapurnapost.prixacdn.net/static/assets/images/unity-logo.png)