कजाकिस्तानको छात्रवासमा आगलागी, १३ जनाको मृत्यु
![कजाकिस्तानको छात्रवासमा आगलागी, १३ जनाको मृत्यु](https://annapurnapost.prixacdn.net/media/albums/genericfire2-58d66c7bb82f20.66176848_QwhBeKjxDX_gwojkDdqj7.jpg)
कजाकिस्तानको सबैभन्दा ठूलो सहर अल्माटीमा बिहीबार बिहानै एक छात्रवासमा आगलागी हुँदा १३ जनाको मृत्यु भएको सहरको आपत्कालीन स्थिति विभागले जनाएको छ।
'आगो निभाउने क्रममा प्रारम्भमा १३ जनाको मृत्यु भएको थाहा भएको छ, उनीहरूको सनाखत हुन बाँकी छ', विभागले एक विज्ञप्तिमा भनेको छ, 'कार्बन मोनोअक्साइड विषाक्तताका कारण उनीहरूको मृत्यु भएको हो।'
पूर्वराजधानीको बीचमा रहेको आदी सारिपोभ स्ट्रिटमा स्थानीय समयअनुसार साढे पाँच बजे आगो लागेको सूचना प्राप्त भएको थियो। अग्निशमनकर्मीहरू तीन तले आवासीय भवनमा लागेको आगो निभाउन सात मिनेटपछि पुगेका थिए।
आगलागी हुँदा उक्त छात्रावासमा ७२ जना रहेका र ५९ जनालाई सुरक्षितरूपमा बाहिर निकालिएको विभागले बताएको छ।
प्रतिक्रिया दिनुहोस !
![Unity](https://annapurnapost.prixacdn.net/static/assets/images/unity-logo.png)