बागलुङ : बागलुङको गलकोट नगरपालिकामा बोलेरो पिकअप जीप र मोटरसाइकल ठोकिँदा एक युवा घाइते भएका छन्। दुर्घटनामा मोटरसाइकल चालक गलकोट नगरपालिका–६ करौदीका १७ वर्षीय दिनेश परियार घाइते भएका छन्।
मंगलबार गलकोट नगरपालिका–३ हटिया जीपपार्कदेखि कोटमैदानतर्फ जाँदै गरेको ध १ ज ६३४ नम्बरको बोलेरो पिकअप जीप र वडा नम्बर २ नगरेठाँटीबाट हटिया आउँदै गरेको ग १६ प १४६५ नम्बरको मोटरसाइकल मध्यपहाडी लोकमार्गस्थित हटिया बजारको कोत मैदान चोकमा ठोकिँएको हटिया प्रहरी चौकीले जानकारी दिएको छ।
घाइते परियारको अहिले आरोग्य अस्पतालमा उपचार भइरहेको छ। जीपमा सवार अन्य यात्रुको अवस्था सामान्य रहेको प्रहरीले जनाएको छ।
प्रतिक्रिया दिनुहोस !
