झापा : झापाको गौरीगञ्जमा दुईवटा मोटरसाइकल ठोक्किँदा एक जना चालकको मृत्यु भएको छ । गौरीगञ्ज गाउँपालिका-५ स्थित पेट्रोल पम्प नजिकै भित्री सडकमा शुक्रबार बेलुका करिब ७ बजे पूर्वबाट पश्चिमतर्फ जाँदै गरेको को ३३ प ६३६४ नम्बरको मोटरसाइकल र विपरीत दिशाबाट आउँदै गरेको को २८ प ३०८६ नम्बरको मोटरसाइकल एकापसमा ठोक्किँदा दुर्घटना भएको थियो।
दुर्घटनामा परी ६३६४ नम्बरको मोटरसाइकल चालक मोरङको रतुवामाई नगरपालिका-३ निवासी ६० वर्षीय कैलाप्रसाद ताजपुरियाको मृत्यु भएको जिल्ला प्रहरी कार्यालय झापाले जनाएको छ ।
अर्का मोटरसाइकल चालक रतुवामाई नगरपालिका- ६ निवासी २५ वर्षीय तुलसीप्रसाद ताजपुरियाको निम्स हस्पिटल दमकमा उपचार भइरहेको छ । यता इलाका प्रहरी कार्यालय गौरीगञ्जले दुवै मोटरसाइकल नियन्त्रणमा लिएको जनाइएको छ ।
प्रतिक्रिया दिनुहोस !
