झापा : झापाको बिर्तामोड-५ स्थित प्रसाईँ सुपर मार्केटमा आगलागी भएको छ । मुक्तिचोकको पूर्वपट्टि दुर्गा मन्दिर छेउको प्रसाईँ मार्केटमा लागेको आगो करिब एक घण्टामा नियन्त्रणमा आएको जिल्ला प्रहरी कार्यालय झापाले जनाएको छ ।
आगलागीबाट राजकुमार बंशलको बंशल कपडा पसलमा पूर्ण रुपमा क्षति भएको छ । बिर्तामोडबीच बजारको पसलमा आगलागी हुँदा ठुलो क्षति हुन सक्ने त्रासले नेपाली सेना समेत खटाइएको थियो ।
नेपाली सेना, प्रहरी, सशस्त्र प्रहरी, स्थानीयवासी, बिर्तामोड, मेचीनगर, कमल, कनकाई र भद्रपुरको दमकल समेतको प्रयासबाट आगलागी नियन्त्रणमा आएको इलाका प्रहरी कार्यालय बिर्तामोडका डिएसपी रुगम बहादुर कुँवरले जानकारी दिए । क्षतिको विवरण आउन बाँकी रहेको उनले बताए । विद्युत् सर्ट भएर सो आगलागी भएको आशङ्का गरिएको छ ।
प्रतिक्रिया दिनुहोस !
