अन्तरजातीय विवाह गर्नेलाई नगरको अनुदान

अन्तरजातीय विवाह गर्नेलाई नगरको अनुदान
सांकेतिक तस्बिर।
सुन्नुहोस्

चालू आर्थिक वर्षदेखि विवाह गर्ने अन्तरजातीय जोडीले अबदेखि प्रोत्साहन स्वरूप १ लाख रुपैयाँ पाउने उनले बताए।

रुकुम पश्चिम : रुकुम पश्चिमको चौरजहारी नगरपालिकाले अन्तरजातीय विवाह गर्ने जोडीलाई १ लाख रुपैयाँ दिने भएको छ। प्रोत्साहन स्वरूप चालू आर्थिक वर्ष २०८९/०८० देखि अन्तरजातीय विवाह गर्ने जोडीलाई १ लाख रुपैयाँ दिने कार्यक्रम नगरपालिकाले बनाएको छ। जसका लागि नगरपालिकाले चालु आवका लागि ५ लाख रुपैयाँ विनियोजन गरेको नगर प्रमुख पुष्प वादीले जानकारी दिए। 

चालू आर्थिक वर्षदेखि विवाह गर्ने अन्तरजातीय जोडीले अबदेखि प्रोत्साहन स्वरूप १ लाख रुपैयाँ पाउने उनले बताए।  जसअनुसार यस वर्ष अन्तरजातीय विवाह गरेको एक जोडीले प्रोत्साहन रकमका लागि कागजात पेस गरेको छ। वडा नम्बर ३ का सरोज बटाला र वडा नम्बर ७ की कमला परियारको जोडीले १ लाख रुपैयाँ पाउँदै छन्। उक्त जोडीलाई प्रोत्साहन रकम प्रदान गर्ने कार्यपालिकाबाट निर्णय भइसकेको नगर प्रमुख वादीले बताए। 

उनका अनुसार आर्थिक समृद्धि र सामाजिक रूपान्तरण अभियानअन्तर्गत यो कार्यक्रम बनाइएको हो। यसबाट सामाजिक सद्भाव कायम हुने र जातीय छुवाछूत तथा विभेदलाई न्यूनीकरण गर्ने उद्देश्य राखिएको हो। 

समाज परिवर्तनका लागि योगदान गर्ने जोडीलाई प्रोत्साहन होस् र उनीहरूलाई जीविकोपार्जनका लागि कुनै व्यवसाय सञ्चालन गर्न सहज होस् भनेर आर्थिक प्रोत्साहनको कार्यक्रम बनाइएको उनको भनाइ छ।  


प्रतिक्रिया दिनुहोस !

लोकप्रिय

Unity

working together is no longer optional-it is a matter of compulsion

Annapurna Media Network has announced the Unity for Sustainability campaign which comes into force from January 1, 2022. The main aim of this campaign is to 'lead the climate change dialogue' working closely with all the stakeholders on sustainable development mode, particulary focusing on climate-change issues.