काठमाडौं : टी–२० आई त्रिदेशीय सिरिजको फाइनलमा नेपालले एकै ओभरमा नेदरल्याण्ड्सको दुई विकेट लिएको छ। कीर्तिपुरस्थित त्रिवि क्रिकेट मैदानमा नेपालले १८५ रनको लक्ष्य दिएपछि जवाफि ब्याटिङमा उत्रिएको नेदरल्याण्ड्सको कुशल मल्लले २ विकेट लिएका हुन्।
नवौं ओभरमा मल्लको बलमा म्याक्स ओ डाउडलाई दिपेन्द्र सिंह ऐरी र माइकल लेभिटलाई कप्तान रोहितकुमार पौडेलले क्याच आउट गराएका हुन्। नेदरल्याण्ड्सका लागि डाउडले २२ रन र लेभिटले ५४ रनको योगदान गरे।
त्यस अगाडि कीर्तिपुरस्थित त्रिवि क्रिकेट मैदानमा टस जितेर पहिले ब्याटिङ गरेको घरेलु टोली नेपालले ८ विकेटको क्षतिमा १८४ रन बनाएको हो। नेपालका लागि ओपनर आसिफ शेखले सर्वाधिक ४७ रन बनाए। उनले ३७ बलमा ३ छक्का र १ चौका प्रहार गरे।
त्यसैगरी गुलसन झाले ३४ रन, कुशल मल्लले २६ रन, कप्तान रोहित पौडेलले २५ रन, ओपनर कुशल भुर्तेलले २० रन, करण केसीले ९ रन, सोमपाल कामीले ६ रन, प्रतिश जिसीले ६ रन, दिपेन्द्रसिंह ऐरीले १ रनको योगदान गरे। आरिफ शेख शून्य रनमा आउट भए। कामी र जिसी अविजित रहे। नेदरल्याण्ड्सका लागि टिम भान डर गुग्टेन, माइकल लेभिट, साइब्रान्ड एंगलब्रेक्ट र फ्रेड कलासेनले समान २/२ विकेट विकेट लिए।
प्रतिक्रिया दिनुहोस !
