गुलरिया : प्रहरीले सागुन जातका अवैध काठ कारोबारीको आरोपमा दुई जनालाई नियन्त्रणमा लिएको छ। काठसहित गुलरिया नगरपालिका वडा नम्बर ९ निवासी ३९ वर्षीय प्रमोद अहीर र २८ वर्षीय संजय यादवलाई नियन्त्रणमा लिएको हो।
बर्दियाको गुलरिया-९ रामनगर स्थित हनुमान चोकबाट ५६ दशमलव ६ क्युफिट काठसहित अहीरलाई नियन्त्रणमा लिएको जिल्ला प्रहरी कार्यालय बर्दियाका प्रहरी नायव उपरीक्षक तुल्सीराम अर्यालले जानकारी दिए।
गस्तीका क्रममा उनीहरूको साथबाट काठका अवैध ११ वटा गोलिया, भे १ प ६८४१, भे २ प २९२८, भे १ प ६७०४ र भे १० प ७६६ नम्बरको ४ वटा मोटरसाइकल गरी अन्दाजी १ लाख ९३ हजार २ सय रुपैयाँ बराबरको सामान बरामद गरिएको प्रहरीले जनाएको छ।
रितपूर्वक फेला पारिएको मानिससहितको सामग्रीहरू आवश्यक अनुसन्धानका लागि डिभिजन बन कार्यालय बर्दियामा बुझाइएको उनले बताए।
प्रतिक्रिया दिनुहोस !
