महोत्तरी : महोत्तरीको पालिकाहरूले जाडो बिदामा थप गरिएको छ। जिल्लाको गौशाला नगरपालिका र पिपरा गाउँपालिकाले जाडो बिदाको अवधि थप २ दिन बढाइएको छ।
ती दुई पालिकाले प्रकाशन गरेको सूचना अनुसार पालिकाभरिका विद्यालयहरूमा बुधबार र बिहीबार बिदा दिइएको छ। त्यस्तै शुक्रबार माघ ५ गतेका दिन मधेसमा बलिदानी दिवसको सार्वजनिक बिदा भएकाले अब ती पालिकाका विद्यालयहरू आइतबारका दिनबाट सञ्चालन हुने भएको छ।
अत्यधिक मात्रामा जाडो बढेपछि स साना बालबालिकाहरू विद्यालयसम्म जानका लागि असह्य भएपछि सो बिदामा थप गरिएको शिक्षा शाखा संयोजक संजयकुमार सिंहले बताए। मौसममा प्रतिकु्लता छाएपछि गौशाला नगरपालिकाको कार्यालयले यहाँका सामुदायिक विद्यालयमा दिइएको जाडो बिदामा थप २ दिनको समयसीमा बढाइएको शिक्षा शाखा अधिकृत सिंहले जानकारी दिए।
त्यस्तै पिपरा गाउँपालिकामा मंगलबार बसेको प्रधानाध्यापकहरूको बैठकले जाडो बिदामा २ दिन थप गर्ने निर्णय गरेको हो। पिपरा गाउँपालिकाको कार्यालयले जारी गरिएको सार्वजनिक सूचनामा जाडो बिदा बुधबार र बिहीबार अझै २ दिन कायम गर्ने निर्णय गरिएको हो।
बाक्लो मात्रामा लागेको हुस्सु र शीतलहरले यसक्षेत्रका जनजीवन प्रत्यक्ष रूपमा प्रभावित भएको छ। जसले गर्दा ससाना बालबालिकालाई विद्यालयसम्म जानका लागि समस्या हुँदा पालिकाले जाडो बिदाको प्रबन्ध गरिएको छ।
प्रतिक्रिया दिनुहोस !
