जीप दुर्घटनामा तीनजनाको मृत्यु, १६ यात्रु घाइते
खगेन्द्रबहादुर सिंह
डोटीः डोटीमा जीप दुर्घटना हुँदा तीन यात्रुको मृत्यु भएको छ । शिखर नगरपालिका–३ मा पर्ने जोरागाउँमा ग १ ज ५२७५ नम्बरको शैलेश्वरी यातायातको बोलेरो जीप दुर्घटना हुँदा तीन जनाको मृत्यु र १६ जना घाईते भएका हुन् ।
डा.केआई सिंह राजमार्ग अन्तर्गत कालागाडबाट जोरागाउँ जाने यात्रु बोकेको जीप कच्ची सडकमा बेलुकी चार बजेतिर दुर्घटना भएको जिल्ला प्रहरी कार्यालय डोटीले जानकारी दिएको छ ।
जिल्ला प्रहरी कार्यालयका डिएसपी शिबबहादुर सिंहका अनुसार मृत्यु हुनेहरुमा शिखर नगरपालिका–३ जोरागाउँमा बस्ने ७४ वर्षका सुरज भुल, सोही ठाउँमा बस्ने ४० वर्षकी खिन्तुरी भुल र ३२ वर्षकी कटी सार्की रहेका छन् ।
घाइतेहरुको उद्धारमा प्रहरी र स्थानीयबासी खटिएका छन् । घाइतेहरुको उपचारका लागि राजपुरस्थित सुजङ्ग अस्पतार तथा दिपायलस्थित शैलेश्वरी र चोपडा अस्पतालमा ल्याइएको छ । दुर्घटना कच्ची सडक तथा जीपमा क्षेमता भन्दा बढी यात्रु तथा सामान भएका कारण भएको हुन सक्ने बताइएको छ ।
प्रतिक्रिया दिनुहोस !
