भोजपुर : भोजपुरमा भीरबाट लडेर एकजनाको घटनास्थलमै मृत्यु भएको छ। टेम्के मैयुङ्ग गाउँपालिका-१ तिम्मामा भीरबाट लडेर तिम्मा खम्बुखा निबासी ४७ वर्षीय महेन्द्रबहादुर तामाङ्गको ज्यान गएको हो।
नयाँ वर्ष मनाउन हाँसपोखरी मेलामा गएका तामाङ्गको मादक पदार्थ सेवन गरी घर फर्कने क्रममा नयुखर्क सामुदायिक वनको भीरबाट लडेर घटनास्थलमै मृत्यु भएको जिल्ला प्रहरी कार्यालय भोजपुरले जनाएको छ।
मृतक तामाङको शव पोष्टमार्टमपश्चात् परिवारको जिम्मा लगाइएको प्रहरीले जनाएको छ।
प्रतिक्रिया दिनुहोस !
