प्रधानमन्त्रीले मुगुबाट सुरु गरे विद्यार्थी भर्ना अभियान
काठमाडौँः प्रधानमन्त्री केपी शर्मा ओलीले दुई वर्षभित्र निरक्षरता हटाउने अभियान सफल बनाउन मुगुका एक विद्यार्थीलाई विद्यालय भर्ना गरिदिएका छन् ।
मुगुको मुगुम कार्मारोंग गाउ“पालिका–८ निवासी छिजु तामाङ र कार्मा टोन्डु लामाकी ६ वर्षीया छात्रा थिल्ने साङ् तामाङलाई प्रधानमन्त्रीले विद्यालय भर्ना गरिदिएका छन् । २०६८ साल चैत १९ जन्मिएकी तामाङलाई बुद्ध मावि मांग्रीमा विद्यालय भर्ना गरिएको हो ।
छात्राको अभिभावत्व ग्रहणको पुस्तिकामा हस्ताक्षर गरेका प्रधानमन्त्रीले तामाङलाई पोसाक र पुस्तक प्रदान गरेका हुन् ।
प्रधानमन्त्री पत्नी राधिका शाक्यले पनि बुद्ध माविमा छेरिङ छोन्तोम लामालाई विद्यालय भर्ना गरिदिएकी छन् । शाक्यले टोमा लामा र कार्मा नाम्ग्याल लामाकी छोरी छेरिङको अभिभावकत्व पनि ग्रहण गरेकी छन् । छेरिङ २०६७ माघ १७ गते जन्मिएकी हुन् ।
रारा पर्यटन महोत्सवमा पुगेका प्रधानमन्त्रीले भर्ना सप्ताह सुरु भएको अवसरमा ती बालिकाको अभिभावत्कव लिंदै विद्यालय भर्ना गरिदिएका हुन् ।
प्रधानमन्त्रीले दुई वर्षभित्र निरक्षरता हटाउने अभियान घोषणा गर्दै एक व्यक्तिले कम्तिमा एक विद्यार्थीको अभिभावकत्व ग्रहण गर्दै विद्यालय भर्ना अभियानमा सघाउन अपिल गरिसकेका छन् ।
प्रतिक्रिया दिनुहोस !
