भरुवा बन्दुक पड्काउने युवा पक्राउ
भोजपुरः पश्चिमी टेम्के मैयुङ गाउँपालिका वडा नं ४, नागी कात्तिकेगाउँस्थित बिहिबार एक युवकलाई घरेलु गैरकाननी हतियार सहित प्रहरीले पक्राउ गरेको छ।
मध्यान्ह साढे तीन बजेतिर घर नजिकै भरुवा बन्दुक पड्काएको सुनेपछि ईलाका प्रहरी कार्यालय नागीले खोजतलासी गर्ने क्रममा स्थानिय ३० बर्षीय सुनिल राईलाई हतियार सहित पक्राउ गरेको थियो।
खोजतलासीको क्रममा राईको साथबाट ४ फिट ५.४ इन्च लम्बाईको भरुवा बन्दुक १ थान, साथै बन्दुकमा प्रयोग गरिने फलामको छर्रा, बारुदजन्य पदार्थ फेला पारिएको थियो।
राई अनुसन्धानपछि हतियार खरखजाना मुद्दा दायर गरि जेल चलान गरिएको जिल्ला प्रहरी कार्यालय भोजपुरका ईन्सपेक्टर गितनारायण चौधरीले बताउनुभयो।
प्रतिक्रिया दिनुहोस !
