रोनाल्डो सधैं खतरनाक खेलाडीः राउल

काठमाडौंः रियल मड्रिडका स्टार खेलाडी क्रिष्टियानो रोनाल्डोले यो सिजन क्लबका लागि अहिलेसम्म २६ गोल गरिसकेका छन्। सिजनका केही खेल गुमाएपनि रोनाल्डोले जारी ला लिगामा मात्रै यो सिजन १८ गोल गरिसकेका छन्।

३२ वर्षीय रोनाल्डोलाई प्रशिक्षक जिनेदिन जिदानले बायाँ विङ्सबाट खेलाइरहेका छन्, जुन भूमिकामा रोनाल्डोले युवा अवस्थामा खेल्थ्ये। तर, रियल मड्रिडका लिजेन्ड राउलले भने रोनाल्डोको खेल्ने शैली वा पोजिसन परिवर्तन भएपनि उनको खेलको गुणस्तरमा कमी नआएको दाबी गर्छ। राउलले पोर्चुगिस् खेलाडी रोनाल्डो सधै खतरनाक खेलाडी भएको पनि बताए।

‘रोनाल्डोले बेलोन डिअरको उपाधि जितिसकेका छन् र उनको यो सिजन पनि प्रदर्शन राम्रो छ,’ राउलले किकरसँगको कुराकानीमा भनेका छन्।
‘वर्षको निर्णायक समय आउँदैछ। राम्रा खेलाडीले आफूलाई राम्रो प्रमाणित गर्नु पर्छ। मलाई आशा छ रोनाल्डो राम्रो फर्ममा हुनेछन्,’ राउलले भने।