पेड्रो बने प्रिमियर लिगमा सबैभन्दा छिटो गोल गर्ने खेलाडी
काठमाडौंः चेल्सीका स्ट्राइकर पेड्रो इंग्लिस प्रिमियर लिग फुटबलमा यो सिजन सवैभन्दा छिटो गोल गर्ने खेलाडी बनेका छन्।
गएराति इंग्लिस प्रिमियर लिग फुटबल अन्तर्गत म्यानचेस्टर युनाइटेडविरुद्धको खेलमा पेड्रोले खेल सुरु भएको ३० सेकेन्डमै गोल गरेका थिए। जुन खेलमा चेल्सीले म्यानचेस्टर युनाइटेडलाई ४–० ले पराजित गरेको थियो।
म्यानचेस्टर युनाइटेडका दुई डिफेन्डर क्रिस स्मालिङ र डिले ब्लाइन्डको कमजोर डिफेन्सको फाइदा उठाउँदै २९ वर्षीय स्पेनिस खेलाडी पेड्रोले गोल गरेका हुन्। पेड्रोलाई चेल्सीका मार्कोस अलन्सोको लामो पासमा उपलब्ध गराएका थिए।
पेड्रोले म्यानचेस्टर युनाइटेडविरुद्ध गरेको उक्त गोल नै यो सिजनको उनको पहिलो गोल हो।
हेर्नुस् भिडियो:
प्रतिक्रिया दिनुहोस !
