काठमाडौं : प्रतिनिधिसभाको आजको बैठक कार्यसूचीमा प्रवेश नै नगरी स्थगित भएको छ । सभामुख दोलप्रसाद (डीपी) अर्यालले आजको बैठक कार्यसूचीमा प्रवेश नगरेको जानकारी गराउँदै भोलिसम्मका लागि स्थगित गरेका हुन् । आजको बैठकमा नेपकपा एमालेका सांसद क्षितिज थेबे, नेपाली कांग्रेसका निश्कल राई, श्रम सँस्कृतिका हर्क साम्पाङ, राप्रपाकी सांसद खुश्बु ओलीले पार्टीको धारणा राखेका थिए ।
यसैबीच सभामुख डीपी अर्यालले बिपक्षी सांसदहरुले सभाको अपमान गरेको भन्दै आपत्ति जनाएका छन् । मंगलबार बसेको प्रतिनिधिसभा बैठकमा कांग्रेसका सचेतक निश्कल राईले सहिदहरूको नाममा ५ मिनेट मौनधारण सुरु गरेपछि सभामुख अर्यालले आफ्नै विवेकले सभा सञ्चालन गर्ने गरी समय तोकेर सभाको अपमान भएको भन्दै आपत्ति जनाएका हुन् ।
सभामुखले सभा सञ्चालन गर्दैगर्दा सदस्यहरूले आफ्नै विवेकले सभा सञ्चालन गर्नेगरी आफैले समय तोक्ने कामले सभामाथि अपमान भएको उनले बताए । उनले सभामा बिपक्षी सांसदहरुको अभिव्यक्तिप्रति समेत आपत्ति जनाउँदै गम्भीर ध्यानाकर्षण भएको उल्लेख गरे । त्यसअघि कांग्रेसका सचेतक राईले नेपाल देशलाई एकीकरण गर्न र एकताबद्ध राख्न योगदान गर्नेको सम्मानका लागि मौन धारणका लागि आग्रह गरेका थिए । त्यसपछि बिपक्षी सांसदहरु मात्रै मौनधारणका लागि उठेका थिए ।
प्रतिक्रिया दिनुहोस !
