काठमाडौं : प्रमुख प्रतिपक्षी दल नेपाली कांग्रेसका सांसद निश्कल राईले नेपाल विश्वको नजरमा सीमा अतिक्रमणकारी देश नभएको बताएका छन् ।
प्रतिनिधिसभाको आजको बैठकमा बोल्दै सांसद राईले आफू इलामको भारतीय सीमावर्ती गाउँमा जन्मे हुर्केको बताउँदै नेपालले भारतको कुनै पनि ठाउँमा सीमा नमिचेको बताए ।
उनले विश्वको नजरमा नेपाल सीमा अतिक्रमणकारी देश होइन र बन्न नसक्ने समेत बताए । सांसद राईले प्रधानमन्त्री बालेन शाह नेपालले भारतको सीमा अतिक्रमण गरेको छ भनेर प्रमाणित गर्न लागिरहेको बताउँदै उनले प्रधानमन्त्रीका शुभचिन्तकहरुले समेत नेपाल सीमा अतिक्रमणकारी देश भनेर प्रमाणित गर्न लागिपरेको आरोप लगाए ।
सांसद राईले प्रश्न गरे, ‘यो तहको राष्ट्रघात गर्न उहाँहरुलाई किन मन लागेको ? कस्तो मानसिकता तयार गर्न लाग्दैछौं हामी ?’ सांसद राईले प्रधानमन्त्री स्वयम संसदमा आफै उपस्थित भएर माफी माग्नु पर्छ भनेर आफूहरुले भनिरहेको उनले बताए ।
प्रतिक्रिया दिनुहोस !
