नुवाकोट : वजारमा गुणस्तरहिन वस्तुको विक्री वितरण भइरहेको गुनासो आएपछि नुवाकोटमा छड्के वजार अनुगमन गरिएको छ । अनुमगमनका क्रममा दर्ता नै नगरी पसल व्यवसाय सञ्चालन गरिएको पाइएको छ ।
संयुक्त वजार अनुगमन टोलीले नुवाकोटको विदुर नगरपालिका–९ कोलोनी बजारमा रहेको विभिन्न प्रकृतिका १६ वटा पसलहरुको एकै पटक सोमवार छड्के अनुगमन गरेको हो । होलसेल तथा खुद्रा सामग्री पसल, किराना पसल, तरकारी तथा मासु पसल, मार्टको अनुगमन गरेको हो । एकै दिन १६ वटा विभिन्न पसल व्यवसाय तथा कपडा र फर्निचर कारखानामा अनुगमन गरिएको उद्योग तथा वाणिज्य कार्यालय नुवाकोटले जनाएको छ ।
सरोकारवालासहितको संयुक्त वजार अनुगमन टोलीले किराना पसल, तरकरी तथा फलफुल पसल, मासु पसल, कोल्ड स्टोर्स, मार्ट र कपडा गार्मेण्ट कारखाना समेत गरी १६ वटा पसलमा अनुगमन गरिएको उद्योग तथा वाणिज्य कार्यालयका प्रमुख सीताराम घिमिरेले जानकारी दिए । उनका अनुसार अनुगमनका क्रममा टोलीले मापदण्ड अनुसार पसल व्यवसाय सन्चालन गर्न निर्देशन दिएको छ ।
किराना, तरकारी, मासु पसलमा मापदण्ड तथा गुणस्तरीयताका सम्वन्धमा वजार अनुगमन गरिएको अनुगमनमा सहभागी उपभोक्ता हित संरक्षण मन्चका अध्यक्ष इन्द्रबहादुर पण्डितले वताए । उनका अनुसार अनुगमनका क्रममा व्यवसाय दर्ता नवीकरण, मुल्यसूची, गुणस्तरीयता, लेवल, नापतौल, खाद्यवस्तु खरिद विल र विक्री विलको निरीक्षण गरिएको हो ।
निरीक्षणको क्रममा देखिएका कमजोरी तत्काल हटाउन निर्देशन दिदै, पहिलो पटकलाई सुधार गर्न सुझाव दिदै र केहि व्यवसायीलाई आवस्यक कागजातसहित उद्योग तथा वाणिज्य कार्यालय विदुर, नुवाकोटमा उपस्थित हुन निर्देशन दिइएको कार्यालय प्रमुख सीताराम घिमिरेको भनाई छ ।
सर्वसाधारणले भने औपचारिकता निभाउन मात्र वजार अनुगमन गर्ने गरेको गुनासो गर्दै महिनै पिच्छे यसलाई निरन्तरता दिन माग गरेका छन् ।
औपचारिकता निभाउन मात्र वजार अनुगमन गर्ने गरिएको जनाउंदै उपभोक्ता तथा सर्वसाधारण आक्रोशित भएका छन् । अन्य वेलामा पनि वजार अनुगमन गर्नु पर्ने उपभोक्ताहरु बताउँछन् । खाद्य वस्तुमा गुणस्तरीयताको स्वस्थ्यताको विषयमा उपभोक्ताहरुले उजुरी तथा गुनासो गरिरहेका छन् ।
प्रतिक्रिया दिनुहोस !
