बाजुरा : स्वामीकार्तिक खापर गाउँपालिकामा उपाध्यक्ष चयनका लागि जारी मतदानमा ४१ प्रतिशत मत खसेको मतदान शान्तिपूण तरिकाले चलिरहेको छ । आइतबार बिहान साढे ७ बजेदेखि सुरु भएको मतदानमा १ बजेसम्म १ हजार ५ सय ४४ पुरुष, १ हजार ५ सय १६ महिला गरी जम्मा ३ हजार ६० मत खसेका मुख्य निर्वाचन अधिकृत्त संजीव पोखरेलले जानकारी दिएका छन् ।
उपाध्यक्ष चयनका लागि स्वामीकार्तिक खापर गाउँपालिकाका ५ वडाहरूमा ५ मतदान स्थल तोकिएका छन् भने ९ वटा मतदान केन्द्र तोकिएको पोखरेलले बताए । स्वामीकार्तिक खापर गाउँपालिकामा नेकपा एमालेबाट सुलोचना भण्डारी बुढा,नेपाली कांग्रेसबाट पुल्तिसरा शाही, एकीकृत्त समाजपादीबाट जवा शाही उम्मेदवार छन् ।
नेकपा माओवादी केन्द्रबाट उम्मेदवारी दर्ता गराएकी राजुकुमारी विकले नेकपा एमालेका उम्मेदबार सुलोचना बुढालाई सहयोग गर्ने गरी उम्मेदवारी फिर्ता लिएको छ । स्वामीकार्तिकमा उपाध्यक्ष चयनका लागि ४ हजार ४ सय ६० जना मतदाता रहेको जिल्ला निर्वाचन कार्यालयले जानकारी दिएको छ ।
०७९ सालको स्थानिय निर्बाचनमा रुख चिन्हका उम्मेदार नेपाली कांग्रेशबाट मैना जोशीले १ हजार ८ सय १० मत प्राप्त गरी बिजयी भएका थिए । उनका प्रतिस्पर्धी सूर्य चिन्हबाट नेकपा एमालेकी सुलोचना बुढाले १ हजार ६ सय ३७ मत प्राप्त गरेकी थिइन्।
स्वामीकार्तिक खापर गाउँपालिकामा उपाध्यक्ष पदका लागि नेकपा एमाले, नेपाली कांग्रेस र नेकपा एकीकृत्त समाजवादी पार्टीबीच मु्ख्य प्रतिष्प्रदा हुँदैछ।
उप निर्वाचन शान्तिपूर्ण बनाउन उपनिर्वाचन सुरक्षा मापदण अनुसार नेपाली सेना, नेपाल प्रहरी र सशस्त्र प्रहरी बलले सुरक्षा दिइरहेको बाजुरा जिल्लाका प्रमुख जिल्ला अधिकारी मेघनाथ पाध्यायले जानकारी दिए । दिउँसो १ बजेसम्म सबै मतदान स्थलमा शान्तिपूर्ण मतदान भइरहेको उपाध्याले जानकारी दिए ।
प्रतिक्रिया दिनुहोस !
