झापा : झापामा भन्सार छलेर भित्र्याएको ६ वटा आइफोनसहित एक भारतीय युवक पक्राउ परेका छन्। पक्राउ पर्नेमा भारतको विहार राज्य किशनगञ्ज जिल्ला जानकारी चोक बस्ने अन्दाजी २८ वर्षीय मो.ईस्त्राफिल रहेका सशस्त्र प्रहरी बल, नेपाल नम्बर २ गण हेडक्वाटर झापाका डीएसपी महेशराज विष्टले जानकारी दिए।
सशस्त्र प्रहरी बल नेपाल बोर्डर आउट पोस्ट पन्थपाडाबाट खटिएको पैदल गस्ती टोलीले शनिबार दिउँसो साढे १ बजेको समयमा झापा गाउँपालिका ४ सुकुम्वासी बस्तीमा भारतबाट नेपाल आउँदै गरेको बीआर ३७ जेट ८१०१ नम्बरको भारतीय मोटरसाइकलमा सवार उनलाई शङ्का लागि चेकजाँच गर्दा ६ वटा आइफोन फेला पारेको थियो।
बरामद गरिएको आइफोन अन्दाजी ९ लाख रुपैयाँ रहेको डीएसपी विष्टले बताए। पक्राउ परेका इस्ताफिलसहित आइफोन, मोटरसाइकल मेची भन्सार कार्यालय काँकडभिट्टा बुझाइने जनाइएको छ।
प्रतिक्रिया दिनुहोस !
