बंगलादेशमा हिन्दू तथा बौद्धमाथि भइरहेको हिंसाविरुद्ध विरोध प्रदर्शन
साउन २६, २०८१ शनिबार १८:३५:५७
काठमाडौं : बंगलादेशमा हिन्दू तथा बौद्ध धर्मावलम्बीहरूमाथि जारी हिंसाविरुद्ध काठमाडौंको माइतीघर मण्डलामा विरोध प्रदर्शन गरिएको छ। राष्ट्रिय एकता अभियानले विभिन्न धार्मिक तथा सामाजिक संघसंस्थाका प्रतिनिधिहरूको सहभागिता प्रदर्शन गरेको हो।
कार्यक्रमको समन्वय अभियानका अध्यक्ष विनय यादवले गरेका थिए। अभियानका वरिष्ठ नेता बीपी यादवले बंगलादेशमा हिन्दू तथा बौद्ध धर्मावलम्बीहरूमाथि भइरहेको हिंसालाई अन्तर्राष्ट्रिय मञ्चमा उठाउनुपर्ने आवश्यकता भएको बताए। 'धार्मिक असहिष्णुताको यो घटना मानवीय हकका लागि घातक हो। यसमा हाम्रो सरकारले पनि चुप लागेर बस्नु हुँदैन,' उनले भने।
प्रतिक्रिया दिनुहोस !
