नेपालगन्ज : भेरी अस्पताल नेपालगन्जले विशिष्टिकृत स्वास्थ्य सेवाका रूपमा एमआरआई सुरु गरेको छ।
भेरीमा जडान गरिएको थ्रीटेस्लाको मेसिन एमआरआई पश्चिम नेपालकै पहिलो अत्याधुनिक मेसिन हो। नेपाल सरकारको २४ करोड रुपैयाँमा एमआरआई मेसिन खरिद गरिएको हो। यो मेसिन लुम्बिनी प्रदेशभरी भेरीमा मात्र छ। एमआरआई सेवा सुरु भएपछि बिरामीलाई निजी स्वास्थ्य संस्थामा जानुपर्ने बाध्यता नै हटेको छ।
अस्पतालको नवनिर्मित इन्डोर भवन तथा एमआरआई सेवा शुभारम्भ गर्दै मन्त्री पौडेलले संविधानमा उल्लेख भए बमोजिम नागरिकका लागि सबै स्वास्थ्य सेवा प्रदान गर्न तत्काल भौतिक पूर्वाधारमा लगानी गर्ने स्थिति राज्यसँग नरहेको पनि बताए। भौतिक पूर्वाधार, उपलब्ध जनशक्ति र उपकरणको आधारमा गुणस्तरीय र प्रभावकारी सेवा प्रदान गर्न अस्पताल प्रशासनलाई निर्देशन दिए।
प्रतिक्रिया दिनुहोस !
