प्राधिकरणले तयार पारेको डेडिकेटेड र ट्रंकलाइनको एक लाख बढी पेजको विवरण लेखा समितिमा पेस
साउन २४, २०८१ बिहीबार १८:५७:३९
काठमाडौं : नेपाल विद्युत् प्राधिकरणले डेटिकेटेड तथा ट्रंक लाइन प्रयोग गरेको उद्योगहरूको टिओडी मिटरको डेटासमेटिएको एक लाखभन्दा बढी पेजको विवरण लेखा समितिमा बुझाएको छ।
संसद्को सार्वजनिक लेखा समितिले माग गरेअनुसार डिकेटेड र ट्रंक लाइनको सबै विवरण समेटिएको तथ्यांक आज बुझाएको हो।
समितिले डेडिकेटेड र ट्रंक लाइन प्रयोग गरेका उद्योग प्रतिष्ठानको टाइम अफ डे (टिओडी) मिटरको सबै विवरण पेस गर्न प्राधिकरणलाई यसअघि नै निर्देशन दिएको थियो। सोही निर्देशनका आधारमा प्राधिकरणका कार्यकारी निर्देशक कुलमान घिसिङले सबै विवरण उपलब्ध गराइएको जानकारी दिए।
‘टिओडी लोड प्रोफाइल’, टीओडी डाउनलोड, लगसिट, एमपावरको बिल, छुट बिल, विभिन्न तहका अदालतले गरेको फैसलालगायतका सबै विवरण प्राधिकरणले लेखा समितिलाई बुझाएको प्राधिकरणको भनाइ छ। डेडिकेटेड र ट्रंक लाइन महसुलको विषयलाई लिएर चौतर्फी बहस भइरहेको छ।
प्रतिक्रिया दिनुहोस !
