काठमाडौं : कर्तव्य ज्यान मुद्दाका फरार प्रतिवादी पक्राउ परेका छन्। पक्राउ पर्नेमा रामेछाप दोरम्बा शैलुङ गाउँपालिका-३ का १९ वर्षीय रुजन श्रेष्ठ रहेका छन्।
रामेछापको सल्यानिभीरमा ४१ वर्षीय गणेश पाठकको हत्या आरोपमा उनलाई पक्राउ गरिएको काठमाडौं उपत्यका अपराध अनुसन्धान कार्यालयका सूचना अधिकारी एवं प्रहरी उपरीक्षक काजी कुमार आचार्यले बताए।
जिल्ला अदालत रामेछापबाट जारी भएको पक्राउ पुर्जी र जिल्ला प्रहरी कार्यालय रामेछापको लिखित पत्रानुसार उनलाई भक्तपुरको सूर्यविनायक नगरपालिका-८,दार्जिलिङ हाइटमा लुकीछिपी बसेको अवस्थामा पक्राउ गरिएको हो।
उनलाई कार्यालयबाट खटिएको प्रहरी टोलीले पक्राउ गरी आवश्यक कानुनी कारबाहीका लागी जिल्ला प्रहरी कार्यालय रामेछाप पठाएको छ।
प्रतिक्रिया दिनुहोस !
