मलङ्गवा : सर्लाहीको मलङ्गवा नगरपालिका- ४ मा सञ्चालित नेपाल भेनियर उद्योगको स्टीम बनाउने मेसिन पड्किँएर क्षति भएको छ। शनिबार बिहान ३ बजेतिर स्टीम बनाउने ब्रोइलर मेसिन पड्किएको उद्योगको संचालक नागेश्वर यादवले जानकारी दिए।
मेसिन पड्किदा उद्योगमा आगलगी भएको छ। आगोबाट प्लाई बनाउनका राखिएको कच्चा पदार्थ समेत जलेर नष्ट भएको हो।
पानी परिरहेको समय आगलागी हुँदा तयार गरि राखिएको प्लाइ जोगिएको यादवले बताएका छन्। उद्योगमा काम गर्ने कसैलाई केही नभएको सञ्चालक यादवले बताए।
उद्योगमा क्षतिको यकिन तथ्यांक निकाल्ने काम भइरहेको बताइएको छ। मेसिन पड्किएपछि उद्योग बन्द भएको छ। उद्योग संचालन गर्न २/३ महिना लाग्ने यादवले बताए।
प्रतिक्रिया दिनुहोस !
