राष्ट्रियसभा उम्मेदवारबारे छलफल गर्न एमालेको सचिवालय बैठक बस्दै
पुष २०, २०८० शुक्रबार १०:४८:२२
काठमाडौं :नेकपा एमालेको सचिवालय बैठक बस्दैछ। पार्टी केन्द्रीय कार्यालय च्यासलमा दिउँसो बैठक बस्न लागेको हो। बैठकमा माघ ११ गते हुने राष्ट्रियसभा निर्वाचन र समसामयिक राजनीतिक विषयमा छलफल हुने जनाइएको छ।
बैठकमा झुलाघाट-चिवाभञ्ज्याङ समृद्धिको लागि संकल्प यात्राको समीक्षा र केन्द्रीय कमिटी बैठक बोलाउनेबारे छलफल हुने सचिवालयले जनाएको छ।
पार्टी अध्यक्ष केपी शर्मा ओलीले बिहीबार अपरान्ह प्रदेश कमिटी पदाधिकारीहरूसँग राष्ट्रियसभा उम्मेदवार चयनबारे छलफल गरेका थिए।
प्रतिक्रिया दिनुहोस !
