मुग : सोरु गाँउपालिका-६ सोरुकोटबाट सदरमुकाम गमगढीतर्फ आउँदै गरेको जीप दुर्घटना भएको छ।
शुक्रबार बिहान सोरुकोटबाट गमगढीका लागी छुटेको लु १ ज ४८१० नम्बरको जिप बिहान ८ बजे सोरुगाँउपालिका-८ कच्चे भन्ने स्थानमा दुर्घटना भएको प्रहरी नायव उपरीक्षक विरेन्द्र थापाले जानकारी दिएका हुन्।
प्रनाउ थापाका अनुसार दुर्घटनामा परी जीपमा सवार चालकसहित ८ जना घाइते भएका छन्। घाइतेमध्ये चालकको टाउकोमा चोट लागेकाले गम्भीर अवस्था रहेको र अन्य ७ जनाको अवस्था हेर्दा सामान्य देखिएको छ।
घाइतेलाई जिल्ला अस्पताल मुगुमा पुर्याएर अहिले उपचार भैरहेको छ। घटना स्थल जिल्ला सदरमुकाम गमगढीबाट उत्तर दक्षिण १९ किलोमिटर सडक दुरीमा रहेको छ।
घाइते हुनेमा चालक सोरु-११ का १९ वर्षीय धन कर्ण मल्ल गम्भीर घाइते भएको हुँदा थप उपचारको लागि नेपालगन्ज रिफर गरिएको छ। अन्य घाइतेमा ५ वर्षीया आशा शाही, १५ वर्षीया बसन्ती शाही
, ४९ वर्षीय प्रेमबहादुर मल्ल, १० वर्षीय लक्ष्मण शाही, ८ वर्षीय एडिसन शाही, १३ वर्षीय वरबिबस शाही रहेका छन्। घाइतेहरुको जिल्ला अस्पताल मुगुमा उपचार भइरहेको छ।
प्रतिक्रिया दिनुहोस !
