काठमाडौं : काठमाडौंको सबैभन्दा ठूलो धार्मिक चाड इन्द्रजात्राको अवसरमा बुधबार बसन्तपुर दरबार क्षेत्रमा सामूहिक कुमारी पूजा गरिएको छ ।
हरेक वर्ष इन्द्रजात्राको अवसरमा ‘कुमारी पूजा सेवा समिति भक्तजन परिवार’ले कुमारी पूजाको आयोजना गर्दै आएको छ ।
महिनावारी सुरू नभएका बालिकाहरूलाई वैदिक परम्पराअनुसार सामूहिक कुमारी पूजा गरिएको हो। पूजाका लागि कुमारीहरुलाई विशेष रुपमा सिंगारिएको थियो। बेल विवाह नगरेका नेवार समुदायका २ देखि ८ वर्ष उमेर समूहका बाल कुमारी पूजामा सहभागी भएका हुन्।
कुमारी पूजा गर्दा उनीहरू स्वस्थ्य र सुरक्षित हुने विश्वास छ।
भक्तजनले इच्छा अनुसार कुमारीहरुलाई नगद, फलफूल, कपडालगायत सामग्री प्रदान गरे । नेवार समुदायको परम्परामा कुमारी पूजा गर्नाले रोगबाट बच्न सकिने धार्मिक विश्वास रहेको छ। प्रत्येक वर्ष इन्द्रजात्राको लिंगो ठड्याएको भोलिपल्ट कुमारीको सामूहिक पूजा गर्ने प्रचलन छ।
प्रतिक्रिया दिनुहोस !
