बागलुङ : बागलुङको काठेखोला गाउँपालिका–५ बिहुँ ठुलढुङ्गामा बुधबार बिहान जीप दुर्घटना हुँदा दुई जनाको मृत्यु भएको छ ।
गलकोटदेखि बागलुङ बजार आउँदै गरेको ग १ च ९४८५ नम्बरको जीप मध्यपहाडी (पुष्पलाल) लोकमार्गमा दुर्घटना हुँदा घटनास्थलमै दुई जनाको मृत्यु भएको जिल्ला प्रहरी कार्यालय बागलुङका सूचना अधिकारी प्रहरी नायव निरीक्षक मदन केसीले जानकारी दिए । प्रनाउ केसीले मृतक दुवै जना पुरुष रहेको र परिचय नखुलेको बताए ।
जीप मध्यपहाडी (पुष्पलाल) लोकमार्गदेखि ५ सय मिटर तल खसेको प्रनाउ केसीले बताए । केसीले घटनास्थलमा उद्धारको लागि प्रहरीको टोली पुगिसकेको बताए ।
प्रतिक्रिया दिनुहोस !
