कक्षा ८ को वार्षिक परीक्षा दिइरहेका ८३ जना विद्यार्थीको उत्तरपुस्तिका महानगरले नियन्त्रणमा लियो
चैत १०, २०७९ शुक्रबार १७:९:२१
वीरगन्ज : अनाधिकृत परीक्षा केन्द्रमा कक्षा ८ को वार्षिक परीक्षा सञ्चालन गरेका वीरगन्जका चारवटा नीजि विद्यालयका ८३ जना विद्यार्थीहरूको उत्तरपुस्तिका महानगरले नियन्त्रणमा लिएको छ ।
वीरगन्ज महानगरपालिकाका शैक्षिक महाशाखा प्रमुख अरविन्दलाल कर्ण नेतृत्वको टोलीले कक्षा ८ को वार्षिक परीक्षा दिइरहेका ८३ जना विद्यार्थीको उत्तरपुस्तिका नियन्त्रणमा लिएको हो ।
महानगरपालिकाले कक्षा ८ को महानगरस्तरीय वार्षिक परीक्षा आफ्नै विद्यालयमा परीक्षा केन्द्र तोकेर लिन निर्देशन दिएको थियो । तर, चारवटा नीजि विद्यालयहरूले उक्त निर्देशनको अवज्ञा गरि वीरगन्ज ७ स्थित माइस्थान बालविधा मन्दिर इन्दु लाखे आधारभूत विद्यालयमा अनाधिकृत परीक्षा केन्द्र तोकेर कक्षा ८ को परीक्षा लिइरहेका थिए ।
शुक्रबार अनुगमनका क्रममा महानगरको टोलीले माइस्थान बालविधा मन्दिर इन्दु लाखे आधारभूत विद्यालयको परीक्षा केन्द्रबाट ग्रीन ल्याण्ड माविका ४७ ,ओसिम माविका १७ ,एपेक्स इन्टरनेसनल स्कुलका ७ र सालोम माविका १२ गरी ८३ जना विद्यार्थीले उत्तरपुस्तिका नियन्त्रणमा लिएको हो ।
वीरगन्ज महानगरपालिकाको शैक्षिक महाशाखा कर्णले सामुदायिक विद्यालयमा अनाधिकृत परीक्षा केन्द्र तोकेर परीक्षा लिइरहेका ४ वटा निजी विधालयका ८३ जना विद्यार्थीहरूको उत्तर पुस्तिका नियन्त्रणमा लिएको बताए ।
ती विधालयलाई आ–आफ्नै विधालयमा परीक्षा केन्द्र तोकर फेरि परीक्षा लिन निर्देशन पनि दिइएको उनले बताए । वीरगन्ज महानगरमा सञ्चाचालित कक्षा ८ को महानगरस्तरीय वार्षिक परीक्षामा सामुदायिक ३४ र निजी ८३ वटा विद्यालयका गरि कूल ५ हजार ८ सय ६२ विद्यार्थी सहभागी छन् ।
प्रतिक्रिया दिनुहोस !
