अमेरिकाको सिग्नेचर बैंक पनि बन्द

अमेरिकाको सिग्नेचर बैंक पनि बन्द
सुन्नुहोस्

सिल्भरगेट बैंकपछि सिग्नेचर बैंक क्रिप्टोकरेन्सी उद्योगको मुख्य बैंक हो।

काठमाडौं : न्युयोर्कस्थित सिग्नेचर बैंक बन्द भएको छ। सिलिकन भ्याली बैंक बन्द भएको दुई दिनपछि अर्को अमेरिकी बैंक बन्द भएको हो।

सिग्नेचर बैंकले क्रिप्टो उद्योगको ठूलो ऋणदाताका रूपमा परिचित छ। बैंकिङ संकट रोक्न भन्दै नियामक निकायहरूले सो बैंक बन्द गरेका हुन्। ट्रेजरी, फेडेरल रिजर्भ बैंक र द फेडेरल डिपोजिट इन्स्योरेन्स कर्पोरेसनल (एफडीआईसी)ले संयुक्त रूपमा जारी गरेको विज्ञप्तिमा सिग्नेचरलाई नियन्त्रणमा लिइएसँगै यसले थप प्रणालीगत जोखिम निम्त्याउन भूमिका नखेल्ने उल्लेख छ।

सिग्नेचरलाई इन्स्योरेन्स कर्पोरेसनले नियन्त्रणमा लिएको हो। कुल सम्पत्ति १ खर्ब ११ अर्ब डलर रहेको बैंकमा ८९ अर्ब डलर निक्षेप छ। अमेरिकी वित्तीय इतिहासमा यो तेस्रो ठूलो क्षति हो। सिग्नेचर बैंकका निक्षेपकर्ताले आफ्नो निक्षेपमा पूर्ण पहुँच पाउनेछन्। सिलिकन भ्याली बैंकमा पनि नियामक निकायले यस्तै कदम चालेका थिए।

प्रविधिमा लगानी केन्द्रित गरेको बैंकलाई निक्षेपकर्ताको रकम फिर्ता दिन निकै कठिन भएको थियो। सोही दिनमै बैंक सरकारी नियन्त्रणमा आएको हो। सिल्भरगेट बैंकपछि सिग्नेचर बैंक क्रिप्टोकरेन्सी उद्योगको मुख्य बैंक हो।
 


प्रतिक्रिया दिनुहोस !

Unity

working together is no longer optional-it is a matter of compulsion

Annapurna Media Network has announced the Unity for Sustainability campaign which comes into force from January 1, 2022. The main aim of this campaign is to 'lead the climate change dialogue' working closely with all the stakeholders on sustainable development mode, particulary focusing on climate-change issues.