मलंगवा नगरपालिकामा जसपालाई हराउँदै कांग्रेसले जित्यो मेयर र उपमेयर
जेठ ४, २०७९ बुधबार १५:३४:०
मलंगवा : सर्लाही सदरमुकाम मलंगवा नगरपालिकाको प्रमुखमा नेपाली कांग्रेसका नागेन्द्र प्रसाद यादव विजयी भएका छन्।
कांग्रेसबाट मेयर पदका लागि उम्मेदवार बनेका यादवले ९ हजार ७८ मत प्राप्त गरी विजयी भएका हुन्। उनले जसपाका उम्मेदवार निरसल साहलाई ४ हजार ४३९ मतको फराकिलो अन्तरले पराजित गरेका छन्। प्रतिद्वन्द्वी साहले ४ हजार ६३९ मत प्राप्त गरे।
यस्तै उपमेयरमा पनि कांग्रेसकै शकुन्तलादेवी साह ४ मतले निर्वाचित भएकी छन्। उनले ५ हजार १४३ मत प्राप्त गरिन्। उनका निकटतम प्रतिद्वन्द्वी जसपाकै पानोदेवीले ५ हजार १३९ मत ल्याइन्।
दोस्रो भएका साह यसअघि कांग्रेसबाट नगरप्रमुख निर्वाचित भएका थिए। कांग्रेसले टिकट नदिएपछि साह जसपामा प्रवेश गरी चुनाव लडेका थिए।
प्रतिक्रिया दिनुहोस !
