अछाम: अछामको मंगलसेन नगरपलिकाको नतिजा सार्वजनिक भएको छ। नगरपालिका प्रमुख र उप प्रमुखमा एमालेका उम्मेदवार विजयी भएका छन्।
नगरपालिकाको प्रमुखमा एमालेका पदमबहादुर बोहरा ५ हजार ७३७ मतसहित पुन दोहोरिएका छ्न्। बोहराका निकटतम प्रतिद्वन्द्वी कांग्रेसका नमबहादुरशाहीले ५ हजार २ मत प्राप्त गरेका छ्न्। कांग्रेस र समाजवादी गठबन्धनलाई पराजित गर्दै बोहरा विजयी भएका हुन्।
२०७४ को निर्वचनमा पनि कांग्रेस माओवादी गठबन्धनलाई बोहराले पराजित गरेका थिए। उपप्रमुखमा एमालेका संगिता रावल सोडारी विजयी भएकी छ्न्। सोडारीले ५ हजार ७१९ मतप्राप्त गरेकी छ्न्। उनका निकटतम प्रतिद्वन्द्वी समाजवादीका बमबहादुर रावलले ३ हजार ७५ मतपाएका छ्न्।
१४ वडा रहेको मंगलसेनमा १० नेकपा एमाले, ४ कांग्रेसले जितेका छ्न्। वडा नं १ एमालेका लोकराजनाथ ,वडा नं २ मा एमालेका देब बोगटी, वडा नं ३ एमालेका बृख बोगटी, वडा नं ४ कांग्रेसका नामसिहधामी, वडा नं ५ एमालेका झंकर भाट, वडा नं ६ मा एमालेका देबेन्द्र भणडारी, वडा नं ७ मा एमालेका राजबहादुर शाही, वडा नं ८ मा एमालेका ज्ञानेन्द्र बोहरा, वडा नं ९ मा एमालेका पदमबहादुर बोहरा, वडा नं १० मा एमालेका जनक कुँवर, वडा नं ११ कांग्रेसका नरबहादुर भण्डारी, वडा नं १२ मा कांग्रेसका खगेन्द्र रावल, वडा नं १३ कांग्रेसका हिक्मत बोगटी र वडा नं १४ मा एमालेका शिवबहादुर बोगटी विजयी भएका छन्। २०७४ सालको निर्वाचनमा एमालेले ५ वडा मात्र जितेको थियो।
प्रतिक्रिया दिनुहोस !
