अछाम : अछाममा भालुको आक्रमणबाट तीनजना घाइते भएका छन्। भालुको आक्रमणबाट मंगलसेन नगरपालिका ७ का ५० वर्षीय प्रेम ढुंगाना, २ वर्षीय बालक ओम प्रकाश दमाई र ७ वर्षीया उर्मिला दमाई घाइते भएको जिल्ला प्रहरी कार्यालय अछामले जनाएको छ।
घाइतेमध्ये प्रेम ढुंगानाको अवस्था गम्भीर रहेको छ। उनको कम्मर,दाहिने हात,टाउको र अनुहारमा चोट लागेको छ ।
यस्तै उर्मिलाको छाती र प्रकाशको निधारमा चोट लागेको छ। घाइतेको जिल्ला अस्पताल मंगलसेनमा उपचार भइरहेको छ । शुक्रबार बिहान ८ बजेतिर बारीमा मकै खान आएको भालुलाई लखेट्ने क्रममा उनीहरु घाइते भएका हुन्।
प्रतिक्रिया दिनुहोस !
