काठमाडौं : एनसेल प्राइभेट लिमिटेडले नजिकिँदै गरेको चाडपर्वको अवसरमा ग्राहकका लागि आकर्षक ‘रिचार्ज एण्ड विन’ अफर ल्याएको छ । यस योजना अन्तर्गत एनसेलका १० भाग्यशाली ग्राहकले हरेक हप्ता जनही एक लाख नगद पुरस्कार प्राप्त गर्नेछन् ।
यो अफर यहि आइतबार (भदौ १७) गतेदेखि लागू भई १० हप्तासम्म चल्ने छ । यो योजना साप्ताहिक चक्रमा सञ्चालन हुनेछ । योजनामा साताभर १०० वा त्यस भन्दा बढी रिचार्ज गर्ने एनसेलका सम्पूर्ण प्रिपेड तथा पोस्टपेड ग्राहकले भाग लिई आकर्षक नगद पुरस्कार जित्ने अवसर प्राप्त गर्न सक्नेछन् ।
ग्राहकले प्रत्येक १०० बराबरको रिचार्जका लागि एसएमएसमार्फत एउटा कोड प्राप्त गर्नेछन् । ग्राहकले आइतबारदेखि शनिबारको अवधिमा २५० को रिचार्ज गर्नेछन् । यो साता लगत्तैको सोमबारसम्ममा एसएमएसमार्फत दुई विशेष कोड प्राप्त गर्नेछन् । त्यसैगरी ५०० रिचार्ज गरेका छन् भने पाँचवटा कोडहरु प्राप्त गर्नेछन् ।
योजना अवधिभर हरेक हप्ताका १० भाग्यशाली ग्राहकहरुको छनोट प्रत्यक्ष प्रसारणमा हुने लक्की ड्र मार्फत गरिनेछ । चर्चित व्यक्तित्वहरुको उपस्थितीमा मंगलबार साँझ ७ बजे एपीवान एचडी टेलिभिजनमा लक्की ड्र प्रत्यक्ष प्रसारण हुनेछ ।
यसरी छानिएका भाग्यशाली ग्राहकलाई हरेक बिहीबार एक कार्यक्रम गरेर प्रतिव्यक्ति एक लाखका दरले नगद पुरस्कार हस्तान्तरण गरिनेछ । एनसेलका प्रमुख कमर्शियल अधिकृत एण्डी चोङ्का अनुसार यस योजनाले १० हप्तामा छानिने १०० जना भाग्यशाली ग्राहकको चाडपर्व हर्षोल्लासमय बनाउने बताए ।
प्रतिक्रिया दिनुहोस !
