पोखरामा चिनियाँ ड्रागन रेस फेस्टिभल, फेवातालमा आइपुगे ८ वटा बोट

पोखरामा चिनियाँ ड्रागन रेस फेस्टिभल, फेवातालमा आइपुगे ८ वटा बोट
चिनियाँ ड्रागन रेस फेस्टिभलको तयारीका क्रममा बुधबार पोखराको फेवातालमा ड्रागन रेसको तयारी गर्दै नेपाली र पोखरामा रहेका चिनियाँ । तस्बिर : अन्नपूर्ण

पोखरा : फेवाताल किनारमा चिनियाँ ड्रागन रेस फेस्टिभलको तयारी थालिएको छ । फेस्टिभलमा हुने डुंगा रेसका लागि चिनियाँ ड्रागन डुंगा पोखरा आइपुगेको छ । नेपाल–चाइना ड्रागन बोट रेस फेस्टिभल २०२३ का लागि ८ वटा चिनियाँ डुंगा पोखरा आइपुगेका हुन् । 

नेपालस्थित चिनियाँ राजदूतावास,पोखरा महानगरपालिका र नेपाल पर्यटन बोर्ड फेस्टिभलको मुख्य आयोजक रहेका छन् । पोखरा पर्यटन परिषद् र चाइनिज ओभरसिज एशोसियसन पोखराको  सहआयोजनामा नेपाल–चाइना ड्रागन बोट रेस फेस्टिभल हुन लागेको हो । 

पोखराको फेवाताल किनार क्याम्पिङ चोकमा असार ८ र ९ गते नेपाल–चाइना ड्रागन बोट रेस फेस्टिभलको तयारी गरिएको छ । चिनियाँ ४ टिम र नेपाली ४ टिम गरी ८ टिम बीच डुंगा दौड प्रतियोगिता हुने छ ।

डुंगा रेस ५ सय र हजार मिटर हुने छ ।

 विजयी टिमलाई पुरस्कारको पनि व्यवस्था गरिने परिषद्का अध्यक्ष श्रेष्ठले बताए । नेपालमै पहिलो पटक चिनियाँ ड्रागन रेस फेस्टिभल हुन लागेको हो । फेस्टिभलले चिनियाँ पर्यटन प्रवद्धनमा पनि सहयोग पुग्ने पर्यटन व्यवसायीको विश्वास छ । फेस्टिभलमा नेपालस्थित चिनियाँ राजदूत र चीनका तीन सहरका मेयर लगायतको पनि सहभागीता रहने आयोजकले बताएका छन् । 

दुई दिने फेस्टिभलमा नेपाली,चिनियाँ खानाका विभिन्न परिकार पस्किने छन् । नेपाली तथा चिनियाँ सांस्कृतिक कार्यक्रम पनि फेस्टिभलको आकर्षण रहने पोखरा पर्यटन परिषद्का अध्यक्ष श्रेष्ठले बताए ।  नेपाल–चाइना ड्रागन बोट रेस फेस्टिभलमा सहभागीका लागि २६० विमान चार्टड गरेर आउने बताएको छ । 

डुंगा रेसका लागि ६० जना खेलाडी पनि आउने परिषद्का अध्यक्ष श्रेष्ठले बताए । पोखरा अन्तर्राष्ट्रिय विमानस्थलमा पहिलो पटक अन्तर्राष्ट्रिय उडान हुने गरी जुन २१ मा दुई वटा चार्टड विमान चीनबाट पोखरा आउने तयारी छ । 

पोखरा अन्तर्राष्ट्रिय विमानस्थलमा पहिलो पटक अन्तर्राष्ट्रिय उडान समेत हुने भएपछि पोखराका पर्यटन व्यवसायी उत्साहित छन् । चार्टड विमान आउने र त्यसपछि नियमीत उडान पनि हुने विश्वासमा पर्यटन व्यवसायीको छन । यस फेस्टिभलकालागि २ करोड ५० लाख अनुमानित खर्च लाग्ने बताइएको छ ।
 


प्रतिक्रिया दिनुहोस !

Unity

working together is no longer optional-it is a matter of compulsion

Annapurna Media Network has announced the Unity for Sustainability campaign which comes into force from January 1, 2022. The main aim of this campaign is to 'lead the climate change dialogue' working closely with all the stakeholders on sustainable development mode, particulary focusing on climate-change issues.