हङकङ: नेपाल एयरलाईन्स हङकङमा नयाँ नेतृत्वले आफ्नो कार्यभार सम्हालेको छ । स्टेशन म्यानेजर अरविन प्रजापतिको नेतृत्वमा एयरपोर्ट म्यानेजर बिजय अधिकारी, फाईनान्स म्यानेजर सुनिल श्रेष्ठले कार्यभार सम्हालेका हुन् ।
नेपाल एयरलाईन्स विदेशी विभागमा खट्ने कर्मचारीहरुको सेवा अवधी २ बर्ष कार्यकाल हुने गर्दछ ।
कोरोना कहरले करिब ४ बर्ष हङकङमा कार्यरत स्टेशन म्यानेजर नवराज उपाध्याय र फाईनान्स म्यानेजर अजय शाह नेपाल फर्किएका छन् ।
उपाध्यायले कोरोनाको विषम परिरिस्थीमा नेपाल र हङकङको कठिन स्वास्थ्य प्रोटोकल, आपतकालिन उडान, उद्धारका उडान, चार्टर उडान लगायतमा आफुलाई साथ र सहयोग गर्ने सम्पुर्ण हङकङ नेपाल एभियसन टिम, ट्राभल्स एण्ड टुर्सलाई धन्यवाद दिए।
'मेरो कार्यकाल कठिन थियो, सकेसम्म नेपाल एयरलाईन्सको गरिमालाई माथि उठाउन र हाम्रा यात्रुहरुलाई सेवा प्रवाहमा सहजता दिने दृढ उदेश्यका साथ काम गर्यौ,' उनले भने ।
नवस्टेशन म्यानेजर प्रजापति भन्छन्, 'हामी अर्जुन दृष्टिका साथ काम गर्नेछौ । नेपाल एयरलाईन्सप्रतिको गुनासो र चुस्त दुरुस्त सेवाको लागि हामी कठिवद्ध छौ।'
करिब ५ घण्टाको नेपाल हङकङ उडानमा, राष्ट्रिय ध्वाजावाहक नेपाल एयरलाईन्सले हप्तामा २ उडान भरिरहेको छ।
प्रतिक्रिया दिनुहोस !
