Annapurna Post Logo
Dish Home
प्रमुख समाचार
वीरगञ्‍ज भन्सारको गोदाममा लागेको आगो नियन्त्रणमा

वीरगञ्‍ज भन्सारको गोदाममा लागेको भीषण आगलागी (तस्बीर: रवि दाहाल)
वीरगञ्‍ज भन्सारको गोदाममा लागेको भीषण आगलागी (तस्बीर: रवि दाहाल)

वीरगञ्‍ज भन्सार कार्यालय परिसरको गोदाम घरमा बुधबार बिहान भीषण आगलागी नियन्त्रणमा आएको छ। जिल्ला प्रहरी कार्यालय, सीमा सुरक्षा बल, नेपाली सेनाको वरख गण र उपमहानगरपालिका कार्यालयको अग्नी नियन्त्रक दलको टोलीले बिहान दुई बजेदेखि गोदाम घरमा शुरु भएको आगलागी आठ घण्टाको प्रयासपछि नियन्त्रणमा आएको हो। तर कति क्षति भएको हो भन्‍नेबारे यकिन तथ्‍याङ आएको छैन। गोदामका गार्ड दलबहादुर परियारका अनुसार बिहान करिब दुई बजे सर्ट सर्किट भएर एमसिबी स्वीच बोर्डमा धुँवा देखिएको थियो। धुँवा देखिएलगत्तै आफूले एमसिबी स्वीच अफ गरेको केही बेरमै गोदामभित्र दनदनी आगो बलेको परियारले बताए।

फलामको पाताबाट बनाइएको करिब दुई सय मिटर लामो गोदामको पश्‍चिमपट्टीबाट शुरु भएको आगोको धुँवा बन्द गोदामभित्र पुरै फैलिएको छ। गोदामभित्र सूर्यमुखी तेल, रेफ्रिजरेटरमा प्रयोग हुने ग्याँस भरिएका सिलिण्डर, कपडा, महँगा मोटरसाइकल, कम्प्युटर पार्टस्, म्युजिक सिस्टमलगायत २० करोड रुपैयाँभन्दा बढीका सामान भण्डारण गरिएका थिए। 

ग्ल्यामर क्लिक्स्
फोटो :
सर्वपक्षीय सभा गर्न दलहरु सहमत

प्रधानमन्त्री निवास बालुवाटारमा बसेको सरकारमा सहभागी दल, प्रतिपक्षी र नेकपा माओवादीका शीर्ष नेताको बैठक। (तस्बीर: अन्‍नपूर्ण)

नेकपा-माओवादीले माग गर्दै आएको सर्वपक्षीय सम्मेलन गर्न प्रमुख दलहरू सकारात्मक भए पनि त्यसको राजनीतिक हैसियतमा विवाद देखिएको छ। संविधानका अन्तरवस्तुमा सहमति जुटाउने उद्देश्यले मंगलबार प्रधानमन्त्री निवास बालुवाटारमा बसेको सरकारमा सहभागी दल, प्रमुख प्रतिपक्षी दल र नेकपा-माओवादीका शीर्ष नेता सम्मिलित बैठकले सर्वपक्षीय सम्मेलन गर्न सकिने निष्कर्ष निकालेको हो।

उर्जा व्‍यापार सम्‍झौताका लागि नेपाली प्रतिनिधि आज भारत जाँदै

 आज (बुधबार)देखि भारतसँग हुने विद्युत् व्यापार सम्झौतासम्बन्धी वार्ताका लागि नेपाली पक्षको नेतृत्व टोली आज भारत जाँदै छ। भारतको नयाँदिल्लीमा बुधबारदेखि बिहीबारसम्म हुने सचिवस्तरीय बैठकमा ऊर्जा सचिव क्षेत्रीसहित ऊर्जा मन्त्रालयका सहसचिव केशवध्जव अधिकारी, सिडिई सविना खर्बुजा, परराष्ट्र र कानुनका सहसचिवद्वय अमृतबहादुर राई र नरेन्द्रमान श्रेष्ठ, विद्युत् प्राधिकरणका कार्यकारी निर्देशक रामचन्द्र पाण्डे, उपकार्यकारी निर्देशक शेरसिंह भाट र दिल्लीस्थित नेपाली कार्यवाहक राजदूत सहभागी हुँदै छन्।

लिग विजेता मनाङलाई झापाको झट्का: आज एपीएफविरुद्ध थ्रीस्टार भिड्दै

बलका लागि घम्‍साघम्‍सी गर्दै मनाङका सुजल श्रेष्ठ(बायाँ) र झापाका विशाल राई। (तस्बीर: रजेन्द्र केसी)

लिगविजेता मनाङ मर्स्‍याङ्दी क्लबलाई २-१ गोलले हराउँदै झापा फुटबल क्लब एन्फा कप 'ए' डिभिजन नकआउट फुटबल प्रतियोगिताको सेमिफाइनलमा प्रवेश गरेको छ। दशरथ रंगशालामा मंगलबारदेखि सुरु भएको प्रतियोगिताको पहिलो खेलमै मनाङ झापासँग स्तब्ध बन्दै बाहिरियो।

बाल स्वास्थ्यमा लापरबाही: 'खोपपछि बालकको मृत्‍यु'

फाइलफोटो

'बच्चा स्वस्थ थियो, जन्माएको पनि प्रसूतिगृहमै हो, चिकित्सककै सल्लाहमा खोप लगाउन पनि त्यहीं गएँ तर ममाथि बज्रपात पर्‍यो', काभ्रे पोखरीचौरी-३ की विमला गजमेरले रुँदै भनिन्, 'त्यति राम्रो छोरा आज मेरो साथमा छैन, जानीजानी मारियो मेरो बाबुलाई।'

नागरिक उड्‍ययन प्राधिकरण यात्रुमार्फत अर्बौं ऋणको साँवाब्याज असुल्‍दै, कर्मचारीलाई भने बोनस

नेपाल नागरिक उड्‍ययन प्राधिकरणले विमानस्थल निर्माण तथा सुधारका नाममा लिएको अर्बौं रुपैयाँ ऋणको साँवाब्याज भुक्तानी गर्न यात्रुमार्फत शुल्क असुल्न सुरु गरेको छ। प्राधिकरणका कर्मचारीले बोनस खाने तयारी गरिरहेका बेला यात्रुबाट भने विमानस्थल निर्माणमा लागेको ऋणबापतको रकम लिन सुरु भइसकेको छ। प्राधिकरणले चालू आर्थिक वर्षको साउन १ गते नै अन्तर्राष्ट्रिय उडानमा जाने सबै यात्रुका लागि एक हजार रुपैयाँको विमानस्थल विकास शुल्क लिन सुरु गरेको छ।

'हिन्दु राष्ट्र' नभए पण्डितले आन्दोलन गर्ने

राजधानीमा भएको दोस्रो राष्ट्रिय पण्डित सम्‍मेलनका सहभागी। दुईदिने सम्‍मेलन मंगलबार सकिएको छ।  (तस्बीर: प्रजित ताम्राकार)

पण्डितहरूले नेपाललाई सनातन हिन्दु राष्ट्र कायम गरिनुपर्ने भन्दै नयाँ संविधानमा 'हिन्दु राष्ट्र' ले न सभासद्लाई आग्रह गरेका छन्। राजधानीमा मंगलबार सम्पन्न दोस्रो राष्ट्रिय पण्डित सम्मेलनमा उनीहरूले संविधानमा 'हिन्दु राष्ट्र' नलेखिए पण्डितहरूकै अगुवाइमा जिल्लाजिल्लाबाट आन्दोलन गर्ने चेतावनी दिएका छन्।

तेस्रो संस्करणमा एकल गायन गाउँदै गायिका कुन्ती मोक्‍तान

गायिका कुन्‍ती मोक्तान (तस्बीर: अन्‍नपूर्ण)

लामो समयको अन्तरालपछि वाद्यवादन समूहका साथ एकल गायनमा उत्रँदैछिन् गायिका कुन्ती मोक्तान। कहिलेकाहीँ, मेरो मन, सैलुंगे, मायालुलाई, कृति, कुसुम, कमेरो, हाम्रो भेटजस्ता एल्बम श्रोतामाझ ल्याइसकेकी उनी यसपटक माथिमाथि सैलुंगेमा, खुट्टा तान्दै गर, लालीगुराँस अजम्बरी, भुइँचालो गएपछिलगायत आफ्नो गायनका चर्चित डेढ दर्जन गीत गाउँदैछिन्। नेपालयको आयोजनामा हुने पलेँटी उत्सवको तेस्रो संस्करणमा प्रस्तुत हुन लागेकी गायिका कुन्ती मोक्तान र अशोकप्यासी राईबीच भएको कुराकानी :

धर्म निरपेक्ष संविधान आए मै पहिले जलाउँछु : खुमबहादुर

नेपाली कांग्रेसका नेता खुमबहादुर खड्काले दोस्रो संविधान सभाले बनाउने नयाँ संविधानमा 'धर्म निरपेक्ष राष्ट्र नेपाल' लेखिए संविधान जलाउने व्यक्ति आफू पहिलो हुने बताएका छन्।सनातन हिन्दु राष्ट्र नेपाल नागरिक संघर्ष समिति ओमकार परिवार नेपालले मंगलबार राजधानीमा आयोजना गरेको 'सनातन हिन्दु राष्ट्र नेपाल कायम गरौं' विषयक अन्तक्र्रियामा पूर्वमन्त्री खड्काले यस्तो अभिव्यक्ति दिएका हुन्।

अभावले होइन खान नजानेर कुपोषण

एक वर्षका छोरालाई कोदोको ढिँडो खुवाउँदै हटियाकी एक महिला। तस्बिर:अन्‍नपूर्ण

जिल्लाका दुर्गम गाउँमा खान नपाएरभन्दा पनि खान नजानेर अधिकांश बालबालिकामा कुपोषण हुने गरेको पाइएको छ। कुन उमेरका बालबालिकालाई के खुवाउने र के नखुवाउने भन्ने ज्ञान अभिभावकमा नहुँदा बालबालिका कुपोषणबाट पीडित भएका हुन्।

सम्पादकीय
त्रस्त न्यायपालिका
फोटो फिचर
फोटो पत्रकार : उमा विष्ट
विचार
कार्टून
अन्तर्वार्ता
'फुटबलसँगै अन्य खेलमा पनि लगानी गर्न सकिन्छ'

विशेष
 

© २०१३ नेपाल न्युज नेटवर्क इन्टरनेसनल प्रालिद्बारा प्रकाशित तथा मन्त्र नेटवर्क प्रा.लि.द्बारा न्युजस्कुपमा विकसित एवं भण्डारण
कार्यालय : कर्पोरेट टावर, तीनकुने, काठमाडौं | पोष्ट बक्स नं २४९९९ | फोन ४४८२३०५/४४८२२०७/४४६९७५८ | इमेल: annapurna@annapost.com | द.नं. १३५/०५८/०५९, म.क्षे.हु.नि.द.नं. ०६९\०७०