MENU

क्रेनमा चेपिएर चिनी मिलमा कामदारको मृत्यु

635x90

राजकरण महतो बुधवार, पुस २७, २०७३ 1256 पटक पढिएको

Share This

बर्दिवासः उखु झार्ने अनलोडर मेसिनमा चेपिएर महोत्तरीको रामनगरस्थित एभरेस्ट सुगर एन्ड केमिकल इन्डस्ट्रिजमा एकजना मजदुरको ज्यान गएको छ ।

चिनी मिलमा कृषकले ल्याएको उखु अनलोड गर्ने क्रममा मेसिनले च्यापेर भारतको बेतिया घर भएका २२ वर्षीय मल्लु तिवारीको मृत्यु भएको हो । मङ्गलबार राति करिब ९ बजेको समयमा उखु अनलोड गर्दागर्दै क्रेन भनिने अनलोडर मेसिनले च्यापिएर ज्यान गएको इलाका प्रहरी कार्यालय गौशालाले जनाएको छ । मेसिनले चेपिएर तिवारीको शव क्षतविक्षत भएको थियो । शव घटनास्थलको प्रकृति मुचुल्का उठाएर पोष्ठमार्टमका लागि जिल्ला अस्पताल जलेश्वर पठाइएको इप्रका गौशालाका इस्पेक्टर शम्भु पोखरेलले बताए ।

मिलमा परी ज्यान गुमाएका तिवारीको परिवारलाई राहतको माग गर्दै मजदुरहरूले मंगलबार राति ९ बजेदेखि बिहान बुधबार बिहान ४ बजेसम्म मिल बन्द गराएका थिए । तिवारी मिलमा एक वर्षदेखि क्रेन अपरेटरको रुपमा थिए । मिलका प्रबन्ध निर्देशक पिके झा र मजदुरबीच तिवारीको परिवारलाई उचित राहत दिने सहमति भएपछि मिल पुनः सञ्चालनमा आएको छ ।

यता एभरेस्ट सुगर एन्ड केमिकल इन्डष्ट्रिजको अखिल नेपाल औद्योगिक मजदुर सङ्घका अध्यक्ष देवनारायण महतोले मृतक मजदुरका परिवारलाई रु १० लाख क्षतिपूर्ति दिन माग गरेका छन् । मृतकका आश्रित परिवारजनलाई रोजगारी दिन समेत मजदुरहरुले माग गरेका छन् । मजदुरको मागको उद्योग प्रशासनले सुनवाई नगरे कडा आन्दोलन गर्ने उनीहरुले चेतावनी दिएका छन् ।

National College 220X220Pix Ad for Annapurna

प्रतिकृया दिनुहोस

Annapurna Post1140X100