MENU

इरानी पूर्वराष्ट्रपति रफ्सञ्जानीको निधन

635x90

अन्नपूर्ण मंगलवार, पुस २६, २०७३ 1305 पटक पढिएको

Share This

तेहरान इरानः इरानी धर्म गुरु तथा प्रसिद्ध पूर्वराष्ट्रपति अकवर हुजेनी रफ्सञ्जानीको ८२ वर्षको उमेरमा हृदयघातका कारण आइतबार निधन भएको छ ।

उनलाई हृदयघात भएपछि आइतबार तेहरानस्थित स्थानीय एक अस्पताल भर्ना गरिएको थियो । उनलाई बचाउन गरिएको उपचार प्रयासले सफल हुन सकेन । आइतबारै उनलाई मृत घोषणा गरियो ।

यसैबीच इरानका सर्वोच्च नेता आयोतोल्लाह अलि खामेनीले आफ्ना पुराना मित्र तथा इरानका पूर्वराष्ट्रपति रफ्सञ्जानीको आकस्मिक निधन भएको भन्दै उनको मृत्युको खबरले आफूलाई स्तब्ध बनाएको बताएका छन् । खामेनीले १९७९ को इस्लामिक क्रान्तिमा पुर्याएको योगदानको स्मरण गर्दै मुलुकले एक कर्मयोद्धा गुमाएको बताएका छन् ।

इरानी राष्ट्रपति हसन रुहानीले पनि पूर्वराष्ट्रपति रफ्सञ्जानीको निधनप्रति शोक सन्देश जारी गर्दै मुलुकले एक इमानदार, राष्ट्रप्रेमी एवं कर्मठ व्यक्तिलाई गुमाएको बताएका छन् । राष्ट्रपति रुहानीले उनलाई क्रान्ति, धैर्य र प्रतिरोधका प्रतीक भएको भन्दै प्रशंसा गरेका छन् ।
उनको निधनप्रति रुहानी प्रशासनले तीन दिन राष्ट्रिय शोकको घोषणा गरेको छ । राजनीति एवं व्यारिक दुवै क्षेत्रमा उनी उत्तिकै सफल व्यक्तित्व थिए ।

उनलाई ’अकबर शाह’, ’ग्रेट किङ’ जस्ता कयौं उपनामले चिनिन्थ्यो ।इरानी राजनीतिमा उनी पर्दा अगाडि वा पछाडि उनी प्रभावशाली रूपमा प्रस्तुत भएका थिए । अमेरिका समर्थित शाहलाई सत्ताच्युत गराइएपछि इरानमा भएका राजनीतिक उथलपुथलमा उनी सहभागी थिए ।

उनको बढ्दो प्रभावबाट चिन्तित भएर सन् २०१२ मा भएको राष्ट्रपतिको चुनावमा उनलाई चुनावमा भाग लिन दिइएको थिएन । यसकारण उनले उनले सुधारवादी हसन रुहानीको पक्षमा वकालत गरेका थिए । अमेरिकासँग पारमाणविक वार्तामा पनि उनी सक्रिय थिए ।
सन् १९३४ मा जन्मिएका रफ्सञ्जानी इरानका प्रभावशाली राजनीतिज्ञ, धार्मिक विद्वान् र इरानका संस्थापक नेता आयतोल्लाह रुहोल्लाह मुसाभी खोमेनीका विश्वासपात्र थिए ।

सन् १९८९ देखि १९९७ सम्म राष्ट्रपति भएका रफ्सञ्जानीले सन् १९७९ को इरानी क्रान्तिमा महत्वपूर्ण भूमिका निर्वाह गरेका थिए भने जीवनको उत्तराद्र्धमा उनलाई अनुदार कट्टरपन्थीहरूका लागि चुनौतीपूर्ण व्यक्तित्वका रूपमा लिइने गरिन्थ्यो । —रासस/एएफपी

National College 220X220Pix Ad for Annapurna

प्रतिकृया दिनुहोस

थप सामग्री

Annapurna Post1140X100